ភ្នំពេញ៖ ស្ថានទូតឥណ្ឌាប្រចាំទីក្រុងភ្នំពេញបានប្រារព្ធពិធីអបអរសាទរនៃការដាក់បញ្ចូលពិធីបុណ្យ «ឌីប៉ាវ៉ាលី – Deepawali» ចូលក្នុងបញ្ជីអង្គការយូណេស្កូដោយមានការចូលរួមពីសមាជិកសហគមន៍ឥណ្ឌា និងមិត្តរបស់ឥណ្ឌាជាច្រើននៅយប់ថ្ងៃទី១០ ខែធ្នូ ឆ្នាំ២០២៥ នេះ។ ការប្រារព្ធពិធីនេះមានដូចជាការបំភ្លឺចង្កៀង ទៀន ផ្កាភ្លើងក៏ដូចជាការបង្ហាញវប្បធម៌ឥណ្ឌាដូចជាការសម្តែងរបាំបុរាណឥណ្ឌា និងយូហ្គា ដោយវត្តមានសិស្សដែលកំពុងហាត់យូហ្គា និងរបាំនៅស្ថានទូតផ្ទាល់។
ពិធីបុណ្យ «ឌីប៉ាវ៉ាលី – Deepawali» ជានិមិត្តរូបនៃការវិលត្រឡប់មកផ្ទះវិញដ៏រីករាយរបស់ព្រះរាម។ ការចុះបញ្ជីនៃពិធីបុណ្យនេះ គឺជាសម្បត្តិទី១៦ដែលមានប្រភពពីចេញប្រទេសឥណ្ឌា។ សម្បត្តិបេតិផ្សេងៗ ទៀតដែលមានប្រភពពីឥណ្ឌាហើយត្រូវបានចុះបញ្ជីបេតិកភ៏ណ្ឌពិលោកមានដូចជារបាំ Ramlila, Chhau Dance, Kalbelia និងពិធីបុណ្យដូចជា Kumbh Mela, Durga Puja, Navruz យូហ្គា និងការសូត្រមន្ត។
ពិធីបុណ្យពន្លឺ Deepawali ត្រួវបានទទួលស្គាល់ជាសាកលដោយលោកនាយករដ្ឋមន្ត្រីឥណ្ឌា Narendra Modi បន្ថែមពីនេះលោកមានប្រសាសន៍ថា៖ «Deepawali មានទំនាក់ទំនងយ៉ាងជិតស្និទ្ធទៅនឹងវប្បធម៌ និងសីលធម៌របស់យើង។ វា គឺជាព្រលឹងនៃអរិយធម៌របស់យើង។ វាតំណាងឱ្យពន្លឺ និងសុចរិតភាព។ ការដាក់បញ្ជូល Deepwali ទៅក្នុងបញ្ជីបេតិកភណ្ឌអរូបីរបស់អង្គការយូណេស្កូនឹងធ្វើឱ្យពិធីបុណ្យមានប្រជាប្រិយភាពទូទាំងពិភពលោកបន្ថែមទៀត»។
រូបភាពដោយ៖ សហការី
