ផ្សារទំនើប មីន ថោន មានសកម្មភាព ក៏ដូចជាមានហាងជាច្រើន ដែលអតិថិជនអាចរីករាយកម្សាន្តនៅក្នុងបរិវេណផ្សារបានដោយសេរី ដែលរួមមានដូចជារោងភាពយន្ត Legend Cinemas ទីកន្លែងកម្សាន្តសួនកុមារ Park Kids ហាងថែរក្សាសម្ផស្ស Nails Palace ហាងលក់គ្រឿងសំអាង Think nature​ និង Guardian រួមទំាងមានហាងលក់ស្បែកជើង Crocs និង Havaianas​ លើសពីនេះទៅទៀតក៏មានហាងលក់ស្រាក្រហមដែលមានឈ្មោះថាបណ្ញាល័យស្រា Best Wine Library នៅជាន់ទីមួយផងដែរ។

មានផ្សារទំនើប Lucky​​ Super Market និងសាខាក្រុមហ៊ុនទូរស័ព្ទចល័តដ៏ធំជាងនៅក្នុងប្រទេសកម្ពុជា Smart Axiata ដែលមានភាពងាយស្រួលដល់អតិថិជន ក្នុងការស្វែងរកម្ហូបអាហារ សំភារៈប្រើប្រាស់ ឬក៏ស្វែងរកសេវាកម្មណាមួយពីក្រុមហ៊ុន Smart Axiata តែម្តង ។ អ្វីដែលកាន់តែគួរឱ្យចាប់អារម្មណ៍ជាងនេះទៅទៀត​ គឺនៅមានហាងកាហ្វេ​ និងហាងភេជ្ជៈប្រ៊េនៗ ជាច្រើនដូនចា Brown​​ Coffee,  KOI, 85 Bakery Café, CHATOKI និង​ Sulbing Café ក៏បានលេចចេញជារូបរាងជាមួយនឹងផ្សារទំនើប មីត ថោន ចាប់តាំងពីផ្សារនេះ បើកដំណើរការរហូតមកដល់បច្ចុប្បន្ន។​ វាកាន់តែងាយស្រួលជាងនេះទៅទៀត​គឺផ្សារទំនើប មីត ថោន មានម៉ាស៊ីនដកប្រាក់ពីធនាគារ RHB, ABA និង UCB នៅជាន់ផ្ទាល់ដីផងដែរ។

ផ្សារទំនើប មីត ថោន មានបម្រើអាហាររហ័សទាន់ចិត្តដូចជានៅ Lucky Burger, Fried Chicken Master និងប្រភេទអាហារកាម្ម៉ងដែលមានដូចជាភោជនីយដ្ឋាន 53 Central Coffee ភោជនីយដ្ឋាន Sake Restaurant និងភោជនីយដ្ឋានបង្អែមកូរ៉េ Restaurant Korean Dessert Cafe រួមទាំងមានលក់គ្រាប់កៅឡាក់ពី Xiangli ទៀតផង។

គួរបញ្ជាក់ថានៅអំឡុងពេលពិធីបុណ្យអុំទូក អកអំបុក បណ្តែតប្រទីប សំពះព្រះខែ ខាងមុខនេះ ផ្សារទំនើប មីន ថោន បានធ្វើការសហការជាមួយនឹងដៃគូរពាណិជ្ជកម្មរបស់ខ្លួនដើម្បីអបអរសារទរពីធីបុណ្យប្រពៃណីជាតិខ្មែរ ដែលនឹងប្រារព្ធធ្វើឡើងនៅថ្ងៃទី30-31 ខែតុលា ឆ្នាំ2020 និងថ្ងៃទី1 ខែវិច្ឆិកា  ឆ្នាំ2020 ខាងមុខនេះ។

ក្នុងឪកាសដ៏ពិសេសនេះផងដែរ ផ្សារទំនើប មីត ថោន បានរៀចចំកម្មវិធីចាប់គ្រាប់បាល់់នាំសំណាង ឈ្នះរង្វាន់ភ្លាមៗ ជាង 2000រង្វាន់ ដែលទទួលបានការឧបត្ថម្ភពីហាងនានា ក្នុងផ្សារទំនើប មីត ថោន ផ្ទាល់តែម្តង ដោយអតិថិជនចំណាយអស់តែ 20$ អតិថិជនអាចចាប់បាល់មួយគ្រាប់បានពីកម្មវិធី។

លក្ខខណ្ឌនៃការចាប់រង្វាន់ អតិថិជនទាំងអស់គ្រាន់តែយកវិក័យប័ត្រ ពីហាងដែលបានសហការជាមួយនឹងផ្សារទំនើប មីត ថោន ទៅធ្វើការផ្សងសំណាងនៅស្តង់កម្មវិធី ដែលមានទីតាំងស្ថិតនៅបរិវេណផ្សារទំនើប មីត ថោន។ រាល់វិក័យប័ត្រមួយសន្លឹកដែលមានតម្លៃស្មើនឹង 20$ អតិថិជនអាចធ្វើការចាប់បាល់នាំសំណាងបានម្តង ឬក៏វិក័យប័ត្រដែលមានតម្លៃលើសពី 100$ អតិថិជនមានសិទ្ធចាប់បានតែ 5ដងតែប៉ុណ្ណោះ។

ចំណែកឯអតិថិជនដែលមានវិក័យប័ត្រមិនស្មើ 20$ អតិថិជនអាចយកវិក័យប័ត្របូកបញ្ចូលគ្នាដើម្បីធ្វើការចាប់រង្វាន់គ្រាប់បាល់នាំសំណាងជាមួយនឹងកម្មវិធីផ្សាទំនើប មីត ថោន។ សូមបញ្ជាក់ថារាល់វិក័យប័ត្រ គឺមានសុពលភាពតែមួយថ្ងៃនៃការទិញទំនិញតែប៉ណ្ណោះ។ កម្មវិធីនឹងចាប់ផ្តើមនៅថ្ងៃទី30-31 ខែតុលា ឆ្នាំ2020 និងថ្ងៃទី01 ខែវិច្ឆិកា ឆ្នាំ2020 ពីម៉ោង 11ថ្ងៃត្រង់រហូតដល់ម៉ោង 7ល្ងាច រាល់ល័ក្ខខណ្ឌផ្សេងៗ ត្រូវបានអនុវត្តដោយផ្សារទំនើប មីត ថោន។

រង្វាន់ដែលអតិថិជនអាចនឹងទទួលបានគឺមានដូចជា ថង់យួរដៃបរិស្ថាន និងម៉ាស់ដ៏ស្រស់ស្អាតពីផ្សារទំនើប មីត ថោន។​ អាវយឺត និងដបទឹកដ៏គួរឱ្យទាក់ទាញពីក្រុមហ៊ុន Smart Axiata។ ទឹក​លាងដៃ​សម្លាប់​មេរោគពីផ្សារទំនើប Lucky​​ Super Market, ការបញ្ចុះតំលៃ 2ដុល្លា ពីភោជនីយដ្ឋាន Sake Restaurant, ការបញ្ចុះតំលៃ 5ដុល្លា ពីហាងលក់ស្រាក្រហម Best Wine Library​ និងការបញ្ចុះតំលៃ 50% ពី Potato Corner និង Think Nature។

លើសពីនេះទៀតអថិជននឹងទទួលបានពោត​ផ្ទុះពីរោងភាពយន្ត Legend Cinema គូប៉ុងហ្រ្វីសមួយសន្លឹកសម្រាប់ក្មេងៗ លេងកម្សាន្តនៅ Kids Park។​ អតិថិជនក៏អាចទទួលបានគូប៉ុងពី Lucky Burger​ ដើម្បីប្តូរយកដំឡូងបំពង ឬក៏កូកាកូឡា ហើយនិងទទួលបានគូប៉ុងបញ្ចុះតំលៃស្មើនឹង 1ដុល្លា ពីម៉ាកស្បែកជើង Havanias និង Crock។ អតិថិជនក៏អាចទទួលបានគូប៉ុងទិញកែវតូច បានកែវធំ ពីហាងតែបៃតងជប៉ុនពី CHATOKI ហើយអ្វីដែលកាន់តែពិសេសជាងនេះទៅទៀតអតិថិជននឹងទទួលបានការ៉េមខ្ទិះដូងធម្មជាតិពី Hello Coconut ដ៏មានរស់ជាតិឈ្ងុយឆ្ងាញ់ផងដែរនៅក្នុងរយៈពេលបីថ្ងៃនៃពិធីបុណ្យអុំទូក អកអំបុក បណ្តែតប្រទីប សំពះព្រះខែ។​

រូបភាពដោយ៖ សហការី

បើយោងតាម លោក នី ដារ៉ាណន់ ប្រធានផ្នែកគ្រប់គ្រងផ្នែកទីផ្សារ របស់រោងភាពយន្ត លេ ជេន បានរៀបរាប់ប្រាប់ឱ្យដឹងថារាជរដ្ឋភិបាលបានអនុញ្ញាតឱ្យរោងភាពយន្ត លេ ជេន បើកដំណើរការជាធម្មតាវិញ កាលពីថ្ងៃទី7 ខែសីហា​ ឆ្នាំ2020 គិតមកដល់ពេលនេះមានរយៈពេលបានប្រហែលជា 2ខែមកហើយ ដោយដំណាក់កាលទីមួយ គឺបានចាប់ផ្តើមពីរាជធានីភ្នំពេញជាមុនសិន តែខាងរោងភាពយន្តត្រូវអនុវត្តស្តង់ដាសុវត្ថិភាពដែលមានដូចខាងក្រោមនេះ។

1. ចំណុចទីមួយ គឺដើម្បីទប់ស្តាត់ការចម្លងមេរោគកូវីដ១៩ ភ្ញៀវទាំងអស់ត្រូវតែពាក់ម៉ាស់ និងធ្វើការវាស់កម្តៅសីតុណ្ហាភាព មុនពេលចូលក្នុងបរិវេណរោងភាពយន្ត។
2. ចំណុចទីពីរ គឺរាជរដ្ឋាភិបាលតម្រូវឱ្យខាងរោងភាពយន្តបញ្ចៀស ដោយផ្ទាល់រវាងការប៉ះពាល់ ពីមនុស្សម្នាក់ ទៅមនុស្សម្នាក់ទៀត​។
3. ចំណុចទីបី Social Distancing គឺការរក្សាកម្លាតសុវត្ថិភាពរបស់អតិថិជន ដែលបានន័យថាពួកគាត់ គឺត្រូវតែរក្សាកម្លាតពីគ្នាយ៉ាងតិច មួយម៉ែត្រកន្លះ មិនថាតែគាត់ឈរតម្រងជួរទិញសំបុត្រ ឬក៏គាត់ឈរទិញអាហារសម្រន់។
4. ចំណុចទីបួន រាល់ការសម្អាតរបស់រោងភាពយន្ត ត្រូវតែសម្អាតដោយមានប្រើប្រាស់ទឹកអាកុល ហើយក្នុងបរិវេណរោងភាពយន្ត ត្រូវតែមានទឹកអាកុល និងទឹកលាងដៃ សម្រាប់ឱ្យអតិថិជន ក៏ដូចជាបុគ្គលិក ធ្វើការសម្អាត និងលាងដៃជាប្រចាំ ជាពិសេសការសម្អាតនៅក្នុងបរិវេណរោងភាពយន្ត គឺរឹតតែសម្អាតជាញឹកញាប់ជាមុនរាល់ការចប់ Show នីមួយៗ ចំណែកឯខាងបុគ្គលិករោងភាពយន្តវិញ ជាពិសេសខាងផ្នែកអនាម័យ គឺពួកគាត់ត្រូវតែសម្អាតនៅក្នុងសាលបញ្ជំាងដោយលម្អិត មានដូចជាសម្អាតកៅអី បរិវេណនៅក្នុងសាល ឱ្យបានស្អាត ជាពិសេសអត់ឱ្យមានការចម្លងមេរោគនៅក្នុងរោងភាពយន្តនោះទេ។
5. ចំណុចទី៥ គឺការទិញអាហារសម្រន់ ដែលខាងក្រសួង និងខាងរាជរដ្ឋភិបាល បានកំណត់ឱ្យខាងរោងភាពយន្តត្រូវតែមានការថែរក្សាអនាម័យ ពាក់ម៉ាស់ ពាក់ស្រោមដៃ ពេលធ្វើការផ្គត់ផ្គង់អាហារសម្រន់ និងរាល់ពេលបំពេញការងារ។
6. ចំណុចទី៦ គឺការកាត់បន្ថយចំនួនកៅអី ឬក៏ចំនួនអ្នកអង្គុយនៅខាងក្នុងសាលបញ្ជំាង មានន័យថាអនុញ្ញាឱ្យមានចំនួនកៅអីដែលភ្ញៀវចូលមើលបានតែ ៥០% នៃចំនួនកៅអីសរុប ឧទាហរណ៍ថាពីមុនយើងធ្លាប់មានកៅអីចំនួន ១០០កៅអី តែយើងត្រូវកាត់បន្ថយកៅអីមកចំនួន ៥០កៅអី ដើម្បីរក្សាកម្លាតពីភ្ញៀវម្នាក់ ទៅភ្ញៀវម្នាក់ទៀត។
7. ចំណុចទី៧ គឺការកាត់បន្ថយពេល គឺម៉ោងបញ្ជំាង ឬក៏ម៉ោង Show នៅក្នុងរោងភាពយន្ត មានន័យថាយើងត្រូវរក្សាពេលសម្អាតឱ្យកាន់តែយូរ ដូច្នេះគឺម៉ោងបញ្ជំាងត្រូវកាត់បន្ថយ។
8. ចំណុចទី៨ គឺត្រូវតែមានបជ្រៀបនូវសារអប់រំ ដើម្បីដាស់តឿនគ្រើនរំលឹកដល់អតិថិជន ស្តីពីជំងឺកូវីដ១៩ នៅក្នុងប្រទេសកម្ពុជា។

គួរឱ្យកត់សំគាល់ថាខាងរោងភាពយន្ត លេ ជេន​ បានអនុវត្តស្តង់ដាសុវិត្ថិភាពទំាង 8ចំណុច​ បានយ៉ាងល្អ ដោយទទួលបានការសសើរ និងនៅតែទទួលបានអតិថិជនទៅទស្សនាភាពយន្តជាបន្តបន្ទាប់ ហើយខាងក្រោមនេះគឺជាមតិយោបល់របស់អ្នកដែលតែងតែនិយមទស្សនាភាពយន្តបានលើកឡើង។

កញ្ញា នាង វ៉ន ស្រីនីត ជាសិស្សនៅឯសាលាវិទ្យាល័យហ៊ុនសែនបុរី ១០០ខ្នង បានឆ្លៀតពេលផ្តល់បទសំភាសន៍មុនពេលចូលមើលកុន និងបានប្រាប់ឱ្យដឹងថាជាធម្មតាកញ្ញាមកមើលកុននៅរោងភាយន្ត លេ ជេន សាខាផ្សារទំនើប មីត ថោន នេះ ចាប់ពី បីដង ទៅបួនដងក្នុងមួយសប្តាហ៍។ កញ្ញាបាននិយាយទាំងមានទំនុកចិត្តថា កញ្ញាមិនសូវជាមានការព្រួយបារម្ភ ពីបញ្ហាមេរោគឆ្លងកូវីដ១៩ និងមេរោគផ្សែងៗ នោះទេ ដោយសារតែកញ្ញាសង្គេតឃើញថាខាងរោងភាពយន្ត លេ ជេន ពិតជាមានការយកចិត្តទុកដាក់ខ្ពស់ទៅលើសុវិត្តភាពភ្ញៀវ។

រោងភាពយន្តបានរៀបចំការវាស់កម្តៅ និងរក្សាកម្លាតពីគ្នាចាប់ពី ១.៥ ម៉ែត្រ ទៅ ២ម៉ែត្រ រួមទាំងមានការចែកម៉ាស់ និងតម្រូវឱ្យភ្ញៀវលាងដៃជាមួយអាកុល ឬក៏ជែលលាងដៃផងដែរ។ ចំណែកឯនៅខាងក្នុងរោងភាពយន្តវិញត្រូវបានកញ្ញាប្រាប់ឱ្យដឹងថា គឺខាងរោងកុនបានរៀបចំ និងតម្រូវឱ្យអង្គុយជិតគ្នាតែពីរនាក់ប៉ុណ្ណោះ ដោយទុកចន្លោះកៅអីពីរ​ទៀតឱ្យទំនេរមិនអនុញ្ញាតឱ្យមាននរណាអង្គុយឡើយ។

កញ្ញា នាង វ៉ន ស្រីនីត បាននិយាយថា៖ «អត់អីទេបងព្រោះអីនៅហ្នឹង! គេមាន…ខាងរោងកុនគេមាន រៀបចំកន្លែងសម្រាប់កម្លាតគ្នាហើយ! មានចែកម៉ាស់ មានអាកុលលាងដៃ និងវាស់កម្តៅត្រឹមត្រូវ។ នៅក្នុងរោងកុនយើងអង្គុយពីរនាក់អ៊ីចឹង មានប្រលោះពីរហើយ គេឆ្លាស់គ្នា ដាក់កម្លាតពីគ្នា […] ខ្ញុំទុកចិត្តទៅលើការថែរក្សាសុវត្ថិភាពបានប្រហែលជា ៨០%  ពីព្រោះនៅក្នុងរោងកុនមនុស្សរៀងតិចដែរ»។

លោក អេង បញ្ញា ក៏ជាសិស្សសាលាវិទ្យាល័យហ៊ុនសែនបុរី ១០០ខ្នងម្នាក់ដែរ ហើយលោកក៏ហ្វេនម្នាក់ ដែលតែងតែចូលចិត្តមកមើលនៅរោងភាពយន្ត លេ ជេន សាខាផ្សារទំនើប មីត ថោន បានប្រាប់ឱ្យដឹងថា លោកចូលចិត្តមកមើលកុនបន្ទាប់ពីការសិក្សារបស់លោក ហើយការមើលកុន គឺអាចជួយឱ្យលោកកាត់បន្ថយស្ត្រេសបានច្រើន។ លោកក៏បានចូលរួមបញ្ចេញមតិយោបល់ពាក់ព័ន្ធទៅនឹងការថែរក្សាអនាម័យរបស់រោងភាពយន្ត លេ ជេន សាខាផ្សារទំនើប មីត ថោន ថា ការពិតរូបលោក ក៏មានការភ័យខ្លាចនឹងជំងឺកូវីដ១៩ ខ្លាំងណាស់ដែរ តែដោយសារតែលោក បានមើលឃើញពីការយកចិត្តទុកដាក់ខ្ពស់ពីខាងរោងភាពយន្ត ទើបធ្វើឱ្យលោកទទួលបានអារម្មណ៍កក់ក្តៅ និងតែងតែចំណាយពេលមើលកុនជាមួយមិត្តភត្តិ។

ដោយលោកបានអះអាងថាខាងរោងភាពយន្តបានគិតពីសុវត្ថិភាពភ្ញៀវជាធំ​ ដោយមានការបាញ់អាកុល វាស់កម្តៅ ឱ្យភ្ញៀវពាក់ម៉ាស់ នៅពេលដែលចូលទៅកាន់រោងភាពយន្តតែម្តង ជាពិសេសគឺបុគ្គលិកខាងរោងភាពយន្តតម្រូវឱ្យពាក់ម៉ាស់ ឬក៏ពាក់របំាងការពារនៅពេលដែលពួកគេ កំពុងតែបំពេញការងារប្រចាំថ្ងៃផងដែរ។ លោកក៏បានធ្វើការលើកទឹកចិត្តឱ្យបងៗ ប្អូនៗ ក៏ដូចជាឪពុកម្តាយនាំក្មេងៗ មកមើលកុននៅរោងភាពយន្ត លេ ជេន សាខាផ្សារទំនើប មីត ថោន ឱ្យបានច្រើន និងកុំមានការព្រួយបារម្ភ​ពីបញ្ហាជំងឺកូវីដ១៩ ដោយសារតែខាងរោងភាពយន្តមានការយកចិត្តទុកដាក់ខ្ពស់ក្នុងការថែរក្សាអនាម័យបានល្អ។​

លោក អេង បញ្ញា បាននិយាយថា៖ «របៀបវា! ពេលមើលកុនទៅ របៀបយើងរៀនខ្លះ! អីខ្លះអ៊ីចឹងណាបង! ភាគច្រើនមើលតែកុន ពេលមើលកុនកាត់ស្ក្រេសបានច្រើន […] ខ្លាចដែរ! តែរបៀបគេរៀបចំអីត្រឹមត្រូវបង គេមានសន្តិសុខ គេមានអី អនាម័យយើង បាញ់ទឹកអាកុល ពាក់ម៉ាស់អីត្រឹមត្រូវ។ បុគ្គលិក សូម្បីតែពេលលក់អី គាត់ក៏ពាក់ម៉ាស់ពាក់អី របាំងអីត្រឹមត្រូវ យើងអត់សូវភ័យអ៊ីចឹង! ក្នុងរោងកុនគាត់រៀបចំកៅអីឆ្លាស់ៗ គ្នាអ៊ីចឹងទៅ ក៏យើងអត់សូវភ័យរឿងកូវីដ ហ្នឹងដែរ […] អាឡូវ គឺនៅរោងកុនយើងអាឡូវ គឺមានសុវត្ថិភាពណាស់ អាឡូវគេមានបាញ់អាកុល លាងទឹកអីត្រឹមត្រូវអ៊ីចឹង យើងអត់សូវភ័យរឿងកូវីដទេ ណាមួយកន្លែងអង្គុយ គឺវាមានកម្លាតអីត្រឹមត្រូវ»។

កញ្ញា មីន ម៉ាលីហ្សា ដែលមានមុខរបរផ្ទាល់ខ្លួនជាមួយនឹងក្រុមគ្រួសារ កញ្ញាមិនសូវជាមានពេលវេលាគ្រប់គ្រាន់មកមើលកុននោះទេ តែទោះជាយ៉ាងណាក៏ដោយសារតែការនិយមចូលចិត្តមើលកុននោះ កញ្ញាបានឆ្លៀតពេលមកមើលកុននៅរោងភាពយន្ត លេ ជេន សាខាផ្សារទំនើប មីត ថោន ជាមួយមិត្តភត្តិ។ អ្វីដែលពិសេសទៀតនោះកញ្ញាបានប្រាប់ទៀតថា ប្រសិនបើមានរឿងធំៗ និងរឿងល្បីម្តងៗ គឺកញ្ញាមិនឱ្យរំលងនោះទេ ដោយតែងតែឆ្លៀតពេលមកមើលជានិច្ច។

កញ្ញាបានចូលរួមបញ្ចេញជាមតិយោបល់ពាក់ព័ន្ធទៅនឹងបញ្ហាជំងឺកូវីដ១៩ ក៏ដូចជាការថែរក្សាសុវត្ថិភាពរបស់ភ្ញៀវដែលតែងតែចំណាយពេលវេលាដ៏មានតម្លៃមកមើលកុនថា កញ្ញាមានទំនុកចិត្តនឹងទទួលបានសុវត្ថិភាពពីខាងរោងភាពយន្ត លេ ជេន ដោយរោងភាពយន្តបានធ្វើការវាស់កម្តៅដោយប្រព័ន្ធបច្ចេកវិទ្យាទំនើប និងមានការលាងសម្អាតដៃ ជាពិសេសនៅពេលដែលភ្ញៀវមិនបានពាក់ម៉ាស់ គឺបុគ្គលិកខាងរោងភាពយន្តឈរចាំត្រួតពិនិត្យ និងផ្តល់ម៉ាស់ជូនតែម្តង។

កញ្ញា មីន ម៉ាលីហ្សា បាននិយាយថា៖ «បើយើងមើលតាមជាក់ស្តែង Property របស់ លេ ជេន អត់អីទេ! វា Safe អត់សូវខ្លាចទេ ហើយណាមួយពេលដែលចេញ!​ ហើយចូល! ឃើញថាមានការ Scan មានការលាងដៃ ហើយពេលដែលយើងភ្លេចម៉ាស់ គឺគាត់បានឱ្យម៉ាស់យើងទៀត […] គិតថាល្អដែល! អត់អីទេ កម្លាតឆ្ងាយគួរសម អាចទុកចិត្តបាន»។

កញ្ញា នាក់ ថាវរី មានអាជីពជាគ្រូបង្រៀនម្នាក់បានធ្វើដំណើរមកពីតំបន់ចោមចៅ ក៏បានឆ្លៀតពេលរៀបរាប់ប្រាប់ឱ្យដឹងថា ភាគច្រើនកញ្ញាមិនសូវជាមានពេលវេលាច្រើន ក្នុងការមកមើលកុននោះទេ តែដោយសារតែកញ្ញាមកសួរសុខទុកមិត្តភត្តិដែលមានផ្ទះនៅម្តុំផ្សារទំនើប មីត ថោន នេះ ក៏ឆ្លៀតពេលណាត់មិត្តភត្តិមកមើលកុនតែម្តងទៅ។ សម្រាប់កញ្ញាបានយល់ឃើញពីបញ្ហាជំងឺកូវីដ១៩ និងកត្តាថែរក្សាអនាម័យរបស់រោងភាពយន្តថា រោងភាពយន្តបានថែរក្សាអនាម័យបានល្អដោយមានការយកចិត្តទុកដាក់ក្នុងការបាញ់អាកុល សូម្បីតែកន្លែងអង្គុយមើលកុនក៏រៀបចំ និងមានសណ្នាប់បានល្អដែរ។ កញ្ញាបានឆ្លៀតបន្ថែមទៀតថា ប្រសិនបើជាប្រជាពលរដ្ឋរួមគ្នាការពារឱ្យបានល្អ នោះបញ្ហាជំងឺកូវីដ១៩ មិនអាចឆ្លងរាតត្បាតបានដោយងាយៗ នោះទេ។

កញ្ញា នាក់ ថាវរី បាននិយាយថា៖ «ដោយសារតែផ្ទះមិត្តភត្តិនៅជិតនេះ ក៏ហៅមិត្តភត្តិមកមើលនៅហ្នឹងបង។ អត់ទេ! អត់សូវមានពេលទំនេរទេ ដល់រឿងចេញមក លក្ខណៈថាល្អមើលអ៊ីចឹង បានយើងមើល បើថា…និយាយទៅអត់សូវមានពេលហ្មង។ បើអនាម័យកន្លែងគាត់ កន្លែងហ្នឹង! គឺល្អតាបង កន្លែងគាត់គឺថាបាញ់អាកុល សូម្បីតែកន្លែងយើងមើលកុន ក៏មើលទៅល្អដែរ ដោយសារគេរៀបចំ គេបើកថ្មីអ៊ីចឹង សណ្នាប់ធ្នាប់គេល្អអ៊ីចឹងណាបង […] អត់ទេបងប្រសិនបើយើងគ្រប់គ្នាការពារ គឺអត់មានជំងឺទេ»។

លើសពីនេះទៀតលោក នី ដារ៉ាណន់ ក៏បានប្រាប់ឱ្យដឹងថាជាក់ស្តែងរោងភាពយន្ត លេ ជេន គឺមានការសប្បាយចិត្តមែនទែន ដែលក្រសួងបានអនុញ្ញាតឱ្យបើកដំណើរការឡើងវិញរោងភាពយន្ត លេ ជេន នៅសាខារាជធានីភ្នំពេញ ទោះបីយើងត្រូវតែអនុវត្តស្តង់ដាសុវត្ថិភាព ដែលយើងហៅថា​ SOP តឹងតែង ហើយនឹងមានការកាត់បន្ថយម៉ោងបញ្ជំាង។ ប៉ុន្តែវាជាការល្អមួយដែលពួកយើងបានចូលរួមសម្រាប់សង្គមយើងផ្ទាល់ ជាពិសេសពួកយើងបានចូលរួមបជ្រៀបសារអនុវត្ត ចូលរួមទាំងបានផ្តល់សេវាកម្ម និងអនាម័យ ពួកយើងកាន់តែបង្គើនជូនទៅដល់អតិថិជនយើងផ្ទាល់ ទោះបីជាពួកយើងត្រូវតែបង្គើនចង្វាក់នៃ Operation របស់យើងរៀងច្រើនជាងមុន ប៉ុន្តែយើងសប្បាយចិត្តដើម្បីផ្តល់ជូន ទាំងសេវាកម្សាន្ត ដូចជាការបញ្ជំាងខែ្សភាពយន្ត ក៏ដូចជាសុវត្ថិភាពដល់ពួកគាត់ដែរ ពីព្រោះអីសុវត្តិភាពរបស់ពួកគាត់ គឺជាអ្វីដែលយើងយកចិត្តទុកដាក់បំផុត។

លោក នី ដារ៉ាណន់ បានបន្ថែមថាសន្ទុះនៃការលក់មានការធ្លាក់ចុះគួរសមដែរោះ «សន្ទុះមានការធ្លាក់ចុះ ដោយសារតែទីមួយកត្តាពិត ដែលយើងកាត់បន្ថយម៉ោងបញ្ជំាង ហើយទីពីរគឺយើងកាត់បន្ថយចំនួនកៅអីរបស់ភ្ញៀវដែលបានអញ្ជើញចូលទស្សនា​នៅក្នុង Hall គឺឡើងដល់ ៥០% ហើយ អ៊ីចឹង ជាក់ស្តែងទៅ គឺមានសន្ទុះធ្លាក់ចុះ ប៉ុន្តែពួកគាត់ទុកចិត្ត សម្រាប់រោងភាពយន្ត លេ ជេន ដែលបានផ្តល់សេវាកម្ម និងផ្តល់នូវសុវត្ថិភាព ជាពិសេសទោះបីជាឥឡូវហ្នឹង ជំងឺកូវីដ១៩ គឺជាជំងឺដែលកំពុងតែរាត្បាតជុំវិញពិភពលោក ប៉ុន្តែពួកគាត់នៅតែមានសុវត្ថិភាព គាត់មានអារម្មណ៍ថាគាត់ទទួលបានការយកចិត្តទុកដាក់ និងថែរក្សាសុវត្តិភាពពីរោងភាពយន្ត លេ ជេន ផ្ទាល់»។

ជាចុងក្រោយក្នុងនាមខ្ញុំបាទតំណាងឱ្យខាងរោងភាពយន្ត លេ ជេន ផ្ទាល់​ យើងខ្ញុំមានតែពាក្យជូនពរ ហើយអគុណមែនទែនសម្រាប់ការបន្តការគ្រាំទ្ររោងភាពយន្ត លេ ជេន នៅសាខាទីក្រុងភ្នំពេញ ហើយក៏អគុណមែនទែនសម្រាប់ការចូលរួមសហការ ការអនុវត្តនូវស្តង់ដាសុវត្ថិភាពដែលដាក់ឡើងដោយក្រសួងសុខាភិបាល ក៏ដូចជាក្រសួងវប្បធម៌ និងវិចិត្រសិល្បៈ។ ប្រសិនបើពួកគាត់អត់ជឿរទុកចិត្តមកលើរោងភាពន្ត លេ ជេន ទេ ពួកគាត់នឹងមិនអញ្ជើញមកឡើងវិញនោះទេ ប៉ុន្តែបន្ទាប់ពីបើករោងភាពយន្ត ពួកយើងមានការទទួលបាននូវ Good Feedback ពីពួកគាត់ ហើយពួកគាត់ក៏សប្បាយចិត្ត និងអនុវត្តការសហការជាមួយពួកយើងអ៊ីចឹង ជាពិសេសសារជូនពរចុងក្រោយសូមឱ្យពួកគាត់សុវត្ថិភាពទាំងអស់គ្នា ហើយសូមមេត្តាលេងដៃ វាស់កម្តៅជាប្រចាំ ប្រសិនបើមានអារម្មណ៍ថាអត់ស្រួលខ្លួន អាចពិភាក្សាជាមួយវេជ្ជបណ្ឌិត ដើម្បីឱ្យដឹងកាន់តែច្បាស់ បើសិនមានការបារម្ភ ឬក៏មានអារម្មណ៍ថាអត់ទុកចិត្តពីមេរោគកូវីដ១៩ ដែលអាចប្រឈមមុខនឹងការឆ្លង។

រូបភាពដោយ៖ សហការី