ភោជនីយដ្ឋាន The Cut Steak House គឺជា​ភោជនីយដ្ឋាន​សាច់​អាំង​កូនកាត់​បែប​អឺរ៉ុប Steak និង​បែប​ជប៉ុន ដែល​ត្រូវបាន​បង្កើតឡើង​ដោយ​ជនជាតិខ្មែរ​ដែល​មានប​ទ​ពិសោធន៍ និង​គំនិត​ច្នៃប្រឌិត​ខ្ពស់​ខាង​វិស័យ​ម្ហូបអាហារ និង​ភេសជ្ជៈ ព្រមទាំង​មាន​ចុងភៅ​ចម្អិន​អាហារ​ដែលមាន​ជំនាញ​ឯកទេស​ច្បាស់លាស់​ទទួលបាន​នូវ​ពានរង្វាន់​លំដាប់ថ្នាក់​អន្តរជាតិ​ក្នុងការ​ចម្អិន​អាហារ​គ្រប់​ប្រភេទ​តាមបែប​អាស៊ី និង​បែប​អឺរ៉ុប។ ជាពិសេស​គឺ​ការ​ចម្អិន Steak សាច់គោ​ដែល​ផ្តល់នូវ​បទពិសោធ​ក្នុងការ​ទទួលទាន​អាហារ​ដែល​ល្អ​បំផុត ជាមួយនឹង​គ្រឿងផ្សំ និង​សាច់គោ ដែល​ត្រូវបាន​នាំចូល​មកពី​បណ្តា​ប្រទេសល្បីៗ នានា​ដូចជា ប្រទេស​អូស្ត្រាលី សហរដ្ឋអាមេរិក និង​ប្រទេស​ជប៉ុន​ជាដើម។

The Cut Steak House គឺជា​ភោជនីយដ្ឋាន​លំដាប់ថ្នាក់​អន្តរជាតិ​ដែល​បាន​ធើ្វ​ការ​រចនា​ម៉ូដ​ទំនើប​ទាន់សម័យ និង​បំពាក់​ទៅដោយ​គ្រឿង​បរិក្ខា​ល្អ​ប្រណីត ស្អាត​ប្លែក​ភ្នែក ហើយ​អ្វីដែល​កាន់តែ​ពិសេស​ជាងនេះទៅទៀត​នោះ​គឺ បច្ចេកទេស​នៃ​ការ​ចម្អិនម្ហូប និង​រសជាតិ​ដែល​ធ្វើឲ្យគ្រប់គ្នា​ជក់ចិត្ត​សរសើរ​មិន​ដាច់​ពី​មាត់​ពី​គុណភាព និង​រសជាតិ​ម្ហូប​នៅទីនេះ។ The Cut Steak House មានមុខ​ម្ហូប​ដែល​ពោរពេញ​ដោយ​ភាព​ច្នៃប្រឌិត ជាមួយនឹង​វត្ថុធាតុដើមថ្មីៗ ស្រស់ៗ និង​គ្រឿងផ្សំ​ដ៏​ល្អឥតខ្ចោះ​ដែលមាន​គុណភាព​ខ្ពស់​សម្រាប់​បំពេញ​គ្រប់​តម្រូវការ​របស់​អតិថិជន។

នៅ​ក្នុងឱកាស​បើកសម្ពោធ​ជា​ផ្លូវការ​ភោជនីយដ្ឋាន The Cut Steak House នេះដែរ លោក ស៊ាន វណ្ណ​ថា​ន ប្រធាន​គ្រប់គ្រង​ទូទៅ​នៃ​ភោជនីយដ្ឋាន The Cut Steak House បាន​លើកឡើងថា «ភាព​ច្នៃប្រឌិត​នៃ​រសជាតិ​អាហារ គុណភាព​នៃ​វត្ថុធាតុដើម និង​គ្រឿងផ្សំ សេវាកម្ម និង​បទដ្ឋាន​អនាម័យ គឺជា​អ្វីដែល​យើង​យកចិត្តទុកដាក់​បំផុត ដើម្បី​ផ្តល់នូវ​អាហារ​ដែលមាន​ស្តង់ដារ​អន្តរជាតិ និង​មាន​រសជាតិ​ឈ្ងុយឆ្ងាញ់​បំផុត​ជូន​ដល់​អតិថិជន និង​ដើម្បី​ក្លាយខ្លួនជា​ភោជនីយដ្ឋាន​មួយ​ដែល​ឈានមុខ​គេ​នៅក្នុង​ព្រះរាជាណាចក្រ​កម្ពុ​ជានា​ថ្ងៃ​អនាគត»។

ដោយឡែក​មុខម្ហូបពិសេសៗ និង​ល្បី​ប្រចាំ​ភោជនីយដ្ឋាន The Cut Steak House មានដូចជា Steak សាច់គោ​កណ្តាល​ខ្នង​ចម្អិន​បែប​អឺរ៉ុប​ Black Angus Tomahawh សាច់​ចំឡក​គោ និង​ថ្លើម​ក្ងាន​ចៀន ទំពាំងបាយជូរ Cut Salad សាច់​ខ្នង​អាំង​បែប​ជប៉ុន និង​ឆ្អឹងជំនី​ចៀម​តេ​រី​យ៉ា​គិ ជាមួយនឹង​ទឹកជ្រលក់​រសជាតិ​ពិសេសបីប្រភេទ​ផ្សេងគ្នា ដែល​ធ្វើឲ្យរសជាតិ​នៃ​សាច់គោ Steak ទាំងនោះ​កាន់​តែមាន​រសជាតិ​ឆ្ងាញ់​ប្លែក​ថែម​មួយកម្រិត​ទៀត។

លក្ខណៈពិសេសៗ ទាំងអស់នេះ គឺមាន​តែ​នៅ​ភោជនីយដ្ឋាន The Cut Steak House តែប៉ុណ្ណោះ!

លោក ម៉ៃ វ៉ុ​ង (Mike Wong) ប្រធាន​គ្រប់គ្រង​ផ្នែក​ចម្អិនម្ហូប និង​ជា​ប្រធាន​គ្រប់គ្រង​ផ្នែក​ប្រតិបត្តិការ​នៃ​ភោជនីយដ្ឋាន The Cut Steak House បាន​លើកឡើងថា «ប្រភេទ​សាច់គោ និង​គ្រឿងផ្សំ​គ្រប់​ប្រភេទ​ដែល​យើង​ប្រើប្រាស់​ក្នុងការ​ចម្អិន​នៅទីនេះ សុទ្ធសឹងតែ​ត្រូវបាន​សម្រិតសម្រាំង​យក​ប្រភេទ​ដែលមាន​គុណភាព​ខ្ពស់ គួបផ្សំ​និង​គំនិត​ច្នៃប្រឌិត ព្រមទាំង​បច្ចេកទេស​ចម្អិន​ដែល​ផ្តល់នូវ​បទពិសោធ​នៃ​ការទទួល​ទាន​អាហារ​មួយ​កាន់តែ​ប្លែក​ជាង Steak ដែល​ចម្អិន​នៅ​ហាង​ដទៃទៀត»។

លោក ម៉ៃ វ៉ុ​ង គឺជា​ចុងភៅ​ឯកទេស​ដែល​ធ្លាប់​ទទួលបាន​នូវ​ការបណ្តុះបណ្តាល​ផ្នែក Steak និង​អាហារផ្សេងៗ ទៀត​នៅ​សហរដ្ឋអាមេរិក និង​ប្រទេស​ជប៉ុន មាន​បទពិសោធ​ចម្អិន​អាហារ​បែប​បស្ចិមប្រទេស និង​បែប​ជប៉ុន​ជាង ២០ឆ្នាំ​មកហើយ។

ក្រៅពីនេះភោជនីយដ្ឋាន The Cut Steak House ក៏មាន​អាហារ​សមុទ្រថ្មីៗ ដូចជា ស្កា​លុប (Scallop) អយ​ស្ទ័​រ (Oyster) ត្រី​សាល​ម៉ុ​ន (Salmon) ព្រមទាំង​ម្ហូប​ច្នៃប្រឌិត​ជាច្រើន​មុខ​ទៀត។

The Cut Steak House ក៏មាន​សេវាកម្ម​រៀបចំ​អាហារ VIP សម្រាប់​ពិធី​ខួបកំណើត ពិធីជប់លៀងផ្សេងៗ ការទទួល​ទាន​អាហារ​បែប​អ្នកជំនួញ និង​ការជួបជុំ​ក្រុមការងារ​ផងដែរ ដើម្បី​បង្កើត​នូវ​បរិយាកាស ពេលវេលា និង​អនុស្សាវរីយ៍​ដ៏​រ៉ូ​មែន​ទិ​ក​ជូន​ដល់​អតិថិជន។

ភោជនីយដ្ឋាន The Cut Steak House មាន​ទីតាំង​ស្ថិតនៅ​ផ្សារ ខា​លែ​ឌែ​ល ម៉​ល (Khalandale Mall) តំបន់​បឹងកក់ ហើយ​លោកអ្នក​ក៏​អាចធ្វើ​ការទំនាក់ទំនង​តាមរយៈ​លេខ​ទូរស័ព្ទ ០២៣ ៨៨៣ ៤៨៤ឬ ០៩៦ ៨៨៨ ៥៥៩៨ សម្រាប់​ការ​កក់​ទុកជា​មិន និង​សាកសួរ​ព័ត៌មាន​បន្ថែម៕

រូបថតដោយ៖ សហការី