ភ្នំពេញ៖ ថ្ងៃអាទិត្យ ទី10 ខែវិច្ឆិកា ឆ្នាំ 2019 BritCham បានរៀបចំប្រារព្ធ “ទិវាចងចាំប្រចាំ ឆ្នាំ2019” នៅក្នុងទីតាំង សាលប្រជុំ Sunflower Ballroom និងសួនច្បារ Terrace garden ដែលស្ថិតនៅក្នុងសណ្ឋាគារ Himawari Hotel Apartments។
ពិធីបុណ្យទិវាចងចាំក្នុង ឆ្នាំ2019 ត្រូវបានអញ្ជើរចូលរួម និងប្រាព្ធពិធីដោយក្រុម St. John ភ្នំពេញ និងមានវត្តមានភ្ញៀវកិត្តិយសជាច្រើនរូបរួមមាន គឺលោក Andrew Tay ប្រធានតំបន់ជាន់ខ្ពស់នៃ St. John ភ្នំពេញ លោកស្រី Angela Corcoran ឯកអគ្គរដ្ឋទូតប្រទេសអូស្ត្រាលី ប្រចាំនៅក្នុងប្រទេសកម្ពុជា និងលោក Cashel Gleeson អនុប្រធានបេសកម្មចក្រភពអង់គ្លេស ជាពិសេសវត្តមានអ្នកតំណាងមកពីស្ថានទូតឥណ្ឌាប្រចាំក្នុងប្រទេសកម្ពុជា អ្នកតំណាងមកពីសាធារណរដ្ឋឆែកប្រចាំនៅក្នុងប្រទេសកម្ពុជា និងអ្នកតំណាងមកពីស្ថានទូតរុស្ស៊ីប្រចាំនៅក្នុងប្រទេសកម្ពុជា។
កម្មវិធីនេះរៀបចំឡើងដោយមានការអានកំណាព្យបទ “In Flanders Field” ពីលោក Andrew Tay ប្រធានតំបន់ជាន់ខ្ពស់នៃ St. John ភ្នំពេញ និងជានាយកសណ្ឋាគារ Himawari Hotel Apartments ដែលនេះជាបទរបស់លោក John McCrae និងមានការអានអបតាមក្រោយដោយពាក្យថា “Lest We Forget” ។ អ្នកទាំងអស់ដែលបានចូលរួមក្នុងពិធីបុណ្យទិវាចងចាំបានច្រៀងចម្រៀង “I Vow Thee My Country” និងបានឧទ្ទិសសម្រាប់ការអធិស្ឋាននៃសន្តិភាព។ បន្ទាប់មកទៀតឯកអគ្គរដ្ឋទូត តំណាងការពារជាតិ និងតំណាងស្ថានទូតផ្សែងៗ ទៀត ក៏បានរៀបចំកម្រងផ្កា និងធ្វើការរំលឹកការចងចាំរបស់ទាហានទាំងអស់ដែលបានប្រយុទ្ធ រងទុក្ខ នឹងត្រូវបានសម្លាប់ក្នុងកំឡុងសង្គ្រាមលោកលើកទី1 និងទី2។
នៅក្នុងពិធីបុណ្យទិវាចងចាំ Poppy គឺជាផ្កាដែលមានសារៈសំខាន់បំផុត វាគឺជានិមិត្តរូប ហើយវាក៏ជាអនុស្សាវរីយ៍ដ៏យូរអង្វែងរបស់អ្នកដែលបានដួលរលំ និងត្រូវបានដឹងឮដោយកំណាព្យរបស់លោក John McCrae “In Flanders Fields” ។ Poppy តំណាងឱ្យការលះបង់ដែលមិនអាចវាស់បានដោយសមមិត្តរបស់គាត់ ហើយបានក្លាយជាអនុស្សាវរីយ៍យូរអង្វែងដល់អ្នកដែលបានស្លាប់ក្នុងសង្គ្រាមលោក និងអ្នកដែលបានស្លាប់ក្រោយមានជម្លោះ។ Poppy ត្រូវបានអនុញ្ញាតិដោយ Royal English Legion ជានិមិត្តរូបសម្រាប់បណ្តឹងឧទ្ធរណ៍របស់ពួកគេក្នុងការជួយដល់អ្នកដែលបម្រើក្នុងជួរកងទ័ពរបស់ចក្រភពអង់គ្លេសបន្ទាប់ពីការបង្កើតឡើងនៅឆ្នាំ1921៕
រូបថតដោយ៖ អេងលី ទុយ (សាគូរ៉ា)
